最新評論
關於我們
Not Translated

有組織遊戲-Structured Play

發布者 Wil 25/07/2017 0 評論 何善韻博士親子輔導,

 

從遊戲中學習 ~

有組織遊戲 (Structured Play) 

 

教育孩子,從遊玩開始

同小朋友玩咩好?唔少家長都會感到好懊腦。有人讚成小朋友唔需要有玩具,有人覺得要有多d,俾多刺激小朋友,有助大腦發展。

 

其實同小朋友玩,主要黎講可分兩大類,

一)自由玩 freeplay (non-structural play)

二)引導式Structural play

 

 

 

兩種方式缺一不可,家長每日應需要安排時間俾小朋友自由,無拘無束地玩(要有界線,危險物品及動作除外)。

Freeplay可以有好多唔同方式,亦有好多文章介紹過(可參考Prof Peter Gray既 Free to learn).

 

 

今日想同大家分享其實同小朋友都要安排Structural Play既重要性。而呢個玩伴必須由家長擔當。

Structural Play其實係提供一個機會俾家長透過遊戲去提昇小朋友既認知能力,學習動機,溝通技巧,自信心,解難能力,做人處事, 同親子關係。如果無咗良好既親子關係,其實,任何管教方式都「一定」無效。因為小朋友係直接,用心溝通同表達,所以當小朋友無心去想得到父母認同,就會不受教。

 

 

有人會認為呢個係講「愛」的教育既年代,但所謂既愛,在心理學領域代表「無條件的愛」,因為爸爸媽媽無條件地「接受」自己會令小朋友學懂也接受自己既不完美,他人(兄弟姐妹),包括父母既不完美。慢慢地學懂將「愛」與「恨」整合。明白係有生之年,我們對每一個人都「可以」有「愛和恨」。係可以共存,可以解決人與人之間既衝突,和平共處。

 

由18個月開始至小學前,小朋友會出現好多不妥協,有主見既性格發展。同時亦會開始感到不喜歡,嬲,甚至暴燥既表現。Freeplay可以幫助孩子疏導情緒,協助父母觀察孩子潛能。而Structural Play就可以幫助孩子係父母既引導,教導,同示範之下學懂如何面對逆境(即不如意事件:如攞唔到想要既玩具,或輸)。孩子心理學當中視之為scaffolding。

 

父母及老師其實係輔助小朋友發展當中,必須要做到scaffolding,而遊玩係小朋友最有效既學習媒介,所以家長必須要懂得嚴選玩具,抱著貴精不貴多,寧缺莫濫既心態去挑選一些合適既「工具」。有一些玩具,其實有很多玩法,亦可配合semi-structural play去提昇孩子潛能。

 

 

本人係偶然機會下踱進 My School Bus 商舖,仔細研究佢地貨架上既遊戲發現好多遊戲好適合自己既小朋友,我們中心既小朋友,家長,甚至我作講座時候講解之用。暗地裡也購入不少合適的遊戲公器私用或私器公用。我會為自己孩子選購的當然是我應為最合適的。同樣地其他孩子及家長若用得其所,也會有類似效果。久而久之(大概4年時間)已研究過不少遊戲。

 

 

今次又在另一偶然機會下認識到 My School Bus 既其中一位負責人Wil,希望邀請我為大家分享下由一位心理學家媽媽,幼兒心理學專家及用家角度分析同分享一下不同遊戲既強弱項及如何善用遊戲協助孩子發展,都感到好榮幸。

 

 

希望係未來既日子逐一為大家慢慢作有深度既介紹,令大家物盡其用,用得其所。

 

Dr. Bianca Ho 

Registered Counselling Psychologist 

 

 


Mother Duck Babies & Parents Interactive Learning Institute 
www.motherduckparenting.com

發表評論文本